Indrit Cerloj, ish-drejtor i burgut të Durrësit u arrestuar këtë të premten nga policia nën dyshimet për shpërdorim detyre, pas arratisjes së Altin Ndocit nga spitali rajonal i Durrësit. Masa ndaj tij ishte marrë nga gjykata në mungesë dhe u zbatua ditën e sotme, në një kohë që ministri i drejtësisë kishte vendosur shkarkimin e tij nga detyra.
Në arrest shtëpie u dërgua dhe mjekja e burgut, Ylfete Sema 65 vjeçe, po ashtu nën dyshimet për shpërdorim detyre. Pas arratisjes të krahut të armatosur të organizatës kriminale të Franc e Hajdar Copjas, në pranga përfunduan dhe tetë zyrtarë të burgut.
Sipas prokurorisë Cerloj ka shpërdoruar detyrën lidhur më mënyrën e shoqërimit të Ndocit nga burgu në spital për vizitë mjekësore, duke anashkaluar njoftimin e eprorëve dhe policisë së Shtetit.
