Policia e Durrësit ka vënë në pranga një 28-vjeçar, i identifikuar si Edrin Varaku, i cili u kap duke lëvizur i armatosur me pistoletë. Arrestimi u krye në kuadër të operacionit të koduar “Pasagjeri”, pas informacioneve se i riu lëvizte me armë zjarri.Gjatë kontrollit, Varaku u gjet me një pistoletë, e cila u sekuestrua në cilësinë e provës materiale. Ai rezulton i dënuar më parë për vrasje dhe armëmbajtje pa leje.
Në momentin e kapjes, 28-vjeçari ishte pasagjer në një automjet. Policia ka nisur procedimin penal edhe ndaj shoferit të mjetit, i cili akuzohet për moskallëzim të krimit.
