Gjykata e Tiranës caktoi masën e sigurisë “arrest në burg” për njërin nga 16-vjeçarët e akuzuar për plagosjen e dy bashkëmoshatarëve pranë gjimnazit “Ibrahim Rugova” në Kamëz.
Për të dyti, gjykata vendosi masën “arrest në burg” me afat një mujor. Ky i fundit është edhe vetë i lënduar gjatë konfliktit, në të cilin u përdorën edhe thika.
Përmes avokatit, ai ka pretenduar se nuk ka qenë pjesë e përleshjes, por ka ndërhyrë për të ndarë shokët e tij.
Ngjarja filloi brenda oborrit të shkollës, por më pas adoleshentët dolën jashtë murit rrethues dhe u përleshën me thika. Në konflikt janë përfshirë rreth pesë nxënës.
