Një i burgosur shqiptar 28-vjeçar ka arritur të arratiset sot nga spitali i Kosturit, ku po merrte trajtim në repartin kirurgjikal. Pavarësisht se ishte nën mbikëqyrjen e gardianëve, ai u largua në rrethana ende të paqarta.
Policia greke bëri të ditur se i arratisuri është Lulëzim Xibraku, i dënuar për vepra të rënda penale dhe i konsideruar me rrezikshmëri të lartë. Dyshohet se arratisja mund të jetë ndihmuar nga bashkëpunëtorë jashtë burgut.
Për kapjen e tij, autoritetet kanë vendosur pika kontrolli në rrugët kryesore të Kosturit, duke qenë se zona ndodhet pranë kufirit me Shqipërinë.
