Gjykata e Apelit të Juridiksionit të Përgjithshëm shpalli sot vendimin për masat e sigurisë për 10 të dyshuarit e dosjes Bankers.
Për Drejtorin e Përgjithshëm të kompanisë, shtetasin kinez HongPing Xiao, dhe ish-administratorin Leonidha Çobo, mbeti në fuqi masa e sigurisë “arrest me burg”. Ndërkohë, nga pesë masat “arrest shtëpie”, masa për njërin prej të dyshuarve ndryshoi në “detyrim paraqitje”, për rrethana familjare.
Për tre të dyshuar të tjerë u hoq masa “ndalim i daljes jashtë vendit” dhe mbeti në fuqi vetëm ajo e detyrimit për paraqitje.
Prokuroria e Fierit firmosi 14 masa sigurie për drejtues dhe ish-drejtues të Bankers dhe punonjës të saj, pasi akuzohen për një skemë mashtrimi, ku në 20 vite të operimit në Shqipëri, kompania ka rritur fiktivisht shpenzimet duke dalë me humbje, duke mos paguar taksa, çka ka sjellë një dëm të madh buxhetit të shtetit.
Vendimet e Apelit:
Arrest me burg:
Leonidha Çobo
Hongping Xiao
Arrest shtëpie:
Lianyi Uang
Ardit Kero
Flavia Capo
Kledi Xhani
Detyrim paraqitje (në vend të arrestit në shtëpi):
Doina Goga (për shkak të situatës familjare)
Hiqet ndalimi i daljes jashtë shtetit, mbetet detyrimi për paraqitje:
Majlinda Thana
Matilda Ibraliu
Erton Ademaj
