Gjykata e Apelit të Posaçëm la në fuqi vendimin e GJKKO për dënimin e ish-kryetarit të Bashkisë së Pogradecit, Eduart Kapri dhe dy vartësve të tij.
Kapri është dënuar me 1 vit e 6 muaj burgim për akuzën e “shpërdorimit të detyrës” e kryer në bashkëpunim. Në aplikim të gjykimit të shkurtuar dënimi u ul në 1 vit dhe më pas u pezullua në shërbim prove për një afat prej 2 vitesh.
Dy vartësit e tij Besjan Meço dhe Besmira Niko u dënuan me 8 muaj secili dhe më pas u vendosën në shërbim prove me vit e katër muaj burgim.
Ndaj tre të pandehurve u caktua edhe dënimi plotësues që i ndalon të ushtrojnë funksione publike për 5 vjet. Kapri dhe vartësit akuzoghen se lejuan kryerjen e punimeve në kundërshtim me ligjin në një pallat 14-katësh të kompanisë së themeluar nga vetë Kapri, që administrohet nga vëllai i tij.
