Këshilli i Lartë i Prokurorisë ka miratuar kërkesën e ish-kryeprokurorit të SPAK, Altin Dumanit për të marrë pjesë në aktivitete jashtë funksioneve të zakonshme të prokurorit.
Ai ka marrë leje për t’u angazhuar si ekspert kryesor në trajnimin praktik të masterklasit të nivelit të lartë për prokurorë, hetues dhe gjyqtarë nga Kosova, aktivitet i organizuar nga Ambasada Britanike në Prishtinë.
Dumani përfundoi mandatin trevjeçar si kryeprokuror i SPAK dhe tani ushtron detyrën si prokuror i thjeshtë, duke mbajtur gjithashtu drejtimin e sektorit të marrëdhënieve juridiksionale me jashtë.
Po gjatë ditës, KLP vendosi edhe emërimin e prokurorit Arens Çela në pozicionin e drejtuesit të Prokurorisë Tiranë. Mandati i Çelës është trevjeçar dhe do të përfundojë më 10 janar 2029.
