SPAK kërkoi dënimin me 3 vite burgim për ish-kryetaren e komanduar të Bashkisë Tropojë, Zyra Islamaj, për veprën penale të korrupsionit pasiv. Ish-zyrtarja nuk do të shkojë në qelitë e paraburgimit, pasi prokurori Bledar Maksuti kërkoi që dënimi me burg të pezullohet dhe e pandehura të vendoset në shërbim prove për 4 vite.
Për biznesmenin Rrok Gega, u kërkua dënimi me 1 vit burg dhe më pas konvertimi në shërbim prove për dy vite. Edhe biznesmeni akuzohet për korrupsion. Sipas e akuzon ish-nënkryetaren e komanduar për një tender ndërtimin e një ure në fshatin Luzhë të Tropojës, ku kryebashkiakja e komanduar, kishte interesa personale.
Prokuroria thotë se Islamaj ka ndërhyrë te ndërtuesi, që ura e cila nuk ishte e parashikuar në tender, të ndërtohej pranë shtëpisë së motrës së saj. Kallëzimi për rastin është bërë nga deputetë të PD-së. Seancën e radhës pritet shpallja e vendimit.
