Detaje të reja kanë dalë në dritë nga operacioni i zhvilluar nga SPAK, në bashkëpunim me autoritetet franceze në Tiranë, në kuadër të goditjes së aktivitetit të paligjshëm të call center-ave.
Janë shpallur në kërkim pronarët e call center-it. Gjatë kontrolleve janë sekuestruar një numër i madh kompjuterësh, telefonësh dhe dokumentesh që përmbajnë të dhëna të operatorëve, si dhe informacione mbi viktima të huaja që dyshohet se janë mashtruar.
Në lidhje me punonjësin e policisë të shoqëruar, mësohet se ai ishte efektiv në Komisariatin nr. 1 në Tiranë. Atij i është sekuestruar telefoni celular dhe është ushtruar kontroll edhe në banesën e tij.
