Një nga personat e armatosur të dyshuar në Orosh të Mirditës është identifikuar. Bëhet me dije se ai është 24-vjeçari Julian Cumraku, i cili raportohet se ka kërcënuar forcat e policisë se do të qëllojë ndaj tyre.
Aksioni i policisë ka nisur që herët në mëngjes në fshatin Orosh, pjesë e njësisë administrative Qafë Mali, ku uniformat blu kanë rrethuar një banesë të braktisur prej vitesh. Dyshohet se brenda saj janë strehuar dy persona të armatosur me rrezikshmëri të lartë.
Për shkak të situatës së tensionuar, Policia e Pukës ka kërkuar mbështetjen e forcave speciale RENEA, të cilat ndodhen tashmë në terren dhe po asistojnë operacionin.
Terreni i vështirë dhe mungesa e sinjalit telefonik po e bëjnë të ndërlikuar marrjen e informacionit në kohë reale, ndërsa kontrollet po vijojnë me kujdes të shtuar. Aktualisht nuk ka të dhëna të reja mbi gjendjen brenda banesës apo hapat e ardhshëm të operacionit.
