Një aksion i papritur i forcave të rendit u zhvillua sot në mesditë në qytetin e Elbasanit, duke çuar në arrestimin e dy individëve të njohur për lidhjet me botën e krimit. VNA mëson se një prej të shoqëruarve është edhe Bujar Muça i kompanisë Delta.
Operacioni nisi rreth orës 15:30 në një lokal të njohur përgjatë aksit Elbasan – Ish-Metalurgjia, në fshatin Katund i Ri.
Forcat policore, të mbështetura nga njësi të specializuara, rrethuan zonën përreth lokalit para se të kryenin ndërhyrjen në ambientet e tij. Informacionet operative që u morën në terren çuan në ndërhyrjen e shpejtë të forcave speciale, të cilat arrestuan disa persona të dyshuar për veprime kriminale.
Ky aksion konsiderohet një ndër më të rëndësishmit në Elbasan vitet e fundit, një qytet që përballet prej kohësh me prani të fortë të grupeve kriminale. Autoritetet ende nuk kanë bërë publike emrat e të arrestuarve apo akuzat që rëndojnë mbi ta, por pritet që në orët në vijim të dalë një njoftim zyrtar nga Policia e Shtetit.
