Një aksident zinxhir ka ndodhur mbrëmjen e sotme në autostradën Elbasan–Tiranë, afër tunelit të Krrabës duke shkaktuar kaos në qarkullim.
Sipas informacioneve, rreth dhjetë automjete janë përfshirë në përplasjen e shumëfishtë, ndërsa tre prej tyre kanë përfunduar mbi njëra-tjetrën si pasojë e goditjes së fortë.
Deri tani nuk raportohet për të lënduar, por dëmet materiale janë të mëdha. Në vendngjarje po punojnë Policia Rrugore dhe ekipet e emergjencës, të cilat po punojnë për normalizimin e trafikut dhe për të përcaktuar shkaqet e aksidentit.
Lëvizja në këtë segment është rënduar ndjeshëm, pasi fluksi i mjeteve në drejtim të Elbasanit është i lartë në këtë orar. Autoritetet u bëjnë apel drejtuesve të mjeteve të jenë të kujdesshëm dhe të respektojnë sinjalizimet e përkohshme derisa qarkullimi të stabilizohet.
