Një ngjarje e rëndë është regjistruar pasditen e sotme në zonën e Kepit të Rodonit, në Durrës. Sipas informacioneve paraprake, një person ka humbur jetën pasi është rrëzuar teksa po eksploronte terrenin me një motor me katër rrota (ATV).
Dyshohet se aksidenti ka ndodhur për shkak të terrenit të vështirë dhe të pjerrët karakteristik për zonën, duke bërë që drejtuesi të humbasë kontrollin e mjetit. Menjëherë në vendngjarje kanë mbërritur shërbimet e emergjencës dhe policia, të cilat po punojnë për zbardhjen e plotë të rrethanave të aksidentit, si dhe për identifikimin e viktimës.
