Autoritetet policore greke kanë nisur një kërkim për arrestimin e 64-vjeçarit shqiptar Mark Preci, i cili akuzohet për sulm seksual ndaj një vajze 25-vjeçare me aftësi ndryshe në shtëpinë e saj në Kypseli.
Incidenti u filmua, ndërsa imazhet tregonin lëvizjet e autorit të krimit disa minuta para sulmit.
Të dielën në mëngjes, 64-vjeçari shqiptar hyri në shtëpinë ku jetojnë dy binjaket me aftësi të kufizuara, ndërsa nëna e tyre mungonte dhe sipas asaj që deklaroi kjo e fundit, dyshohet se ai ka ngacmuar seksualisht njërën nga dy vajzat e saj, ndërsa të dytën e ka sulmuar dhe grushtuar.
Siç raportoi nëna e dy vajzave, ajo kishte shkuar në farmaci për 10 minuta dhe kur u kthye në shtëpi, e gjeti autorin duke ngacmuar seksualisht njërën nga vajzat e saj. Pas kësaj, ajo e goditi me tigan, ndërsa ai iu kundërpërgjigj duke e goditur me grushte, ashtu siç bëri me vajzën tjetër të saj. Pastaj nëna e vajzave mori një thikë dhe filloi ta ndiqte, ndërsa shqiptari u largua.
Një dëshmi e fortë ka dalë në dritë në lidhje me Mark Precin, i dyshuar për tentativën e përdhunimit të dy vajzave me paralizë cerebrale në lagjen Kipseli në Athinë.
Vajza e tij biologjike ka rrëfyer publikisht se edhe ajo ka qenë viktimë e abuzimit seksual nga i ati, kur ishte vetëm 7 vjeç.
“Më përdhunoi edhe mua në moshën 7 vjeçare, por nuk munda të gjej forcën ta denoncoj. Kisha frikë dhe nuk munda ta bëj atëherë. E mbajta brenda meje për shumë vite dhe tani erdhi momenti që ta them. U zumë keq dhe një herë ja thashë por tentoi të më nxjerrë të çmendur. Tani ai njeri nuk ka më të bëjë me mua dhe ndaj gjeta kurajën ta denoncoj“, rrëfehu vajza biologjike e Mark Precit, autorit të dyshuar për tentativën e përdhunimit të dy vajzave të sëmura me paralizë cerebrale në lagjen Kipseli në Athinë pak ditë më parë.
