Një rast i shfrytëzimit për prostitucion është zbuluar në Durrës, ku një shtetase e huaj është vënë në pranga si organizatore e aktivitetit të paligjshëm.
Sipas të dhënave, një 52-vjeçare nga Armenia kishte marrë me qira dy apartamente, një në zonën e Vollgës, lagjja nr. 1, dhe një tjetër në zonën e Plazhit, lagjja nr. 13, të cilat dyshohet se i shfrytëzonte për ushtrimin e prostitucionit. Në këtë aktivitet ishte e përfshirë edhe një 22-vjeçare nga Peruja, si dhe tre shtetas shqiptarë, të cilët janë proceduar penalisht.
Gjatë ndërhyrjes në ambientet e marra me qira, shtetaset e huaja kanë refuzuar të hapin dyert e apartamenteve, duke detyruar hapjen e tyre me mjete të posaçme. Brenda ambienteve janë gjetur dhe sekuestruar pasaporta, shuma parash, karta telefoni dhe sende të tjera që dyshohet se përdoreshin për këtë veprimtari.
