Pavarësisht presionit në rritje për përjashtimin e Izraelit nga kompeticionet sportive për shkak të luftës në Gaza, FIFA dhe UEFA kanë marrë vendimin për ta lejuar Kombëtaren dhe klubet izraelite të vazhdojnë pjesëmarrjen në garat ndërkombëtare.
Presidenti i FIFA-s, Gianni Infantino, deklaroi të enjten se organizata botërore e futbollit nuk mund të zgjidhë çështjet politike, por ka për detyrë të promovojë paqen dhe unitetin.
“Theksojmë rëndësinë e paqes dhe unitetit, veçanërisht në kontekstin e situatës së vazhdueshme në Gaza”, thuhet në komunikatën e FIFA-s, e cila nuk e përmend drejtpërdrejt Izraelin.
Aktualisht, Izraeli vijon të marrë pjesë në kualifikueset e Kupës së Botës, ndërsa Maccabi Tel Aviv është aktive në UEFA Europa League.
