Autoritetet shëndetësore në Rripin e Gazës njoftuan sot për agjencinë Reuters se trupat e parë të palestinezëve të vrarë gjatë konfliktit janë kthyer në territorin palestinez, pasi janë liruar nga Izraeli.
Megjithatë, Izraeli vazhdon të mbajë qindra trupa palestinezësh të vrarë që nga 7 tetori 2023, përfshirë edhe luftëtarë që morën pjesë në sulmin dhe përleshjet pasuese. Nga ana tjetër, Hamasi ka liruar deri tani 20 pengje të gjallë dhe ka dorëzuar trupat e katër të tjerëve në Izrael.
Si reagim ndaj mosdorëzimit të trupave të të gjithë pengjeve që mbahen ende në Gaza, Izraeli ka njoftuar se nuk do të hapë kalimin e Rafahut nesër, siç ishte parashikuar në marrëveshjen për armëpushim, sipas tre zyrtarëve izraelitë të kontaktuar nga Reuters.
Po ashtu, Izraeli do të kufizojë ndihmën humanitare që hyn në Rripin e Gazës si pjesë e masave ndëshkuese ndaj Hamasit.
