Presidenti amerikan Donald Trump deklaroi sot se urrejtja midis presidentit rus Vladimir Putin dhe atij ukrainas Volodymyr Zelensky është “e paimagjinueshme” dhe se ata “mezi flasin me njëri-tjetrin”.
Duke folur para gazetarëve në Shtëpinë e Bardhë, Trump komentoi mbi mundësinë e një takimi apo samiti mes liderëve të dy vendeve në luftë, duke thënë:
“Nëse e quani një samit apo thjesht një takim, nuk ka rëndësi, por ndoshta do të duhet t’i bind, sepse ata e urrejnë njëri-tjetrin aq shumë sa mezi flasin.”
Ai theksoi se mungesa e komunikimit midis Putin dhe Zelensky është një nga pengesat kryesore për përparimin drejt paqes në rajon.
Ata nuk janë në gjendje të flasin me njëri-tjetrin,” u shpreh Trump, duke nënkuptuar se roli i tij si ndërmjetësues mund të jetë i nevojshëm për të thyer ngërçin diplomatik.
Deklaratat e Trump vijnë në një kohë kur përpjekjet për një zgjidhje diplomatike të konfliktit Rusi-Ukrainë vazhdojnë të dështojnë, ndërsa luftimet në lindje të Ukrainës vazhdojnë pa ndërprerje.
