Presidenti i Shteteve të Bashkuara, Donald Trump, ka zbutur tonin e tij mbi mbështetjen e ardhshme federale për Nju Jorkun, pas fitores dërrmuese zgjedhore të Zohran Mamanit, duke sugjeruar se është i hapur për të ofruar ndihmë për Nju Jorkun, pasi më parë kishte kërcënuar të shkurtonte fondet, raporton CNN.
Trump përsëriti vlerësimet e tij se, siç deklaroi ai, komunistët, socialistët marksistë dhe globalistët patën shansin e tyre, por se ata “sjellën vetëm fatkeqësi”, por deklaroi se do ta ndihmojë Nju Jorkun sepse dëshiron që ai qytet të ketë sukses.
“Tani le të shohim se si do t’ia dalin komunistët në Nju Jork. Do të shohim se si do të përfundojë. Dhe ne do t’i ndihmojmë ata. Ne do t’i ndihmojmë ata. Ne duam që Nju Jorku të ketë sukses. Do t’i ndihmojmë ata pak, ndoshta”, tha Trump gjatë një fjalimi në një konferencë ekonomike në Miami.
Trump vlerësoi se politikat e Mamdanit, një socialist demokrat, pasqyrojnë pikëpamjet e demokratëve në Kongres.
“Nëse doni të shihni se çfarë duan t’i bëjnë demokratët e Kongresit Amerikës, shikoni rezultatet e zgjedhjeve të djeshme në Nju Jork, ku partia e tyre emëroi një komunist si kryetar bashkie të qytetit më të madh të vendit. Vendimi para të gjithë amerikanëve nuk mund të ishte më i qartë – ne kemi një zgjedhje midis komunizmit dhe logjikës së shëndoshë”, tha Trump.
Përpara zgjedhjeve në Nju Jork, Trump paralajmëroi se nëse Mamdani fitonte, ai mund të kufizonte fondet federale për Nju Jorkun, përtej minimumit të kërkuar me ligj.
Ai tha se do të preferonte të mbështeste ish-guvernatorin e Nju Jorkut, Andrew Cuomo, sesa Mamdanin, duke deklaruar se, ndërsa nuk është një “fans” i Cuomo-s, duke pasur parasysh se i duhet të zgjedhë midis “një demokrati të keq dhe një komunisti, ai gjithmonë zgjedh demokratin e keq”.
