Presidenti amerikan Donald Trump ka reaguar me zemërim pasi Kina u pa duke pritur aleatët e tij të fortë, presidentin rus Vladimir Putin dhe liderin e Koresë së Veriut, Kim Jong Un, në një paradë ushtarake në Pekin.
Trump shpërtheu në rrjetet sociale të martën vonë, ndërsa në televizione transmetoheshin pamjet e takimit të udhëheqësve autoritarë me presidentin kinez Xi Jinping.
“Ju lutem, jepini përshëndetjet e mia më të ngrohta Vladimir Putinit dhe Kim Jong Unit, ndërsa komplotoni kundër Shteteve të Bashkuara të Amerikës”, shkroi Trump në një mesazh ironik drejtuar Xi-së.
Sipas një analize të CNN, dy tubimet e mëdha të kësaj jave në Pekin – me Rusinë dhe Korenë e Veriut – jo vetëm që theksuan afrimin e Kinës me kundërshtarët e SHBA-së, por gjithashtu u perceptuan si një fyerje personale ndaj presidentit amerikan.
