Presidenti i SHBA, Donald Trump, ka sulmuar sërish me tone të ashpra presidentin e Izraelit, Isaac Herzog, duke e akuzuar se po refuzon të falë kryeministrin Benjamin Netanyahu, i cili përballet me akuza për korrupsion, mashtrim dhe shpërdorim besimi.
Në një intervistë ekskluzive për televizionin izraelit Channel 14, Trump e quajti Herzog një president “të dobët dhe joefektiv”.
“Presidenti juaj është një njeri i dobët. Presidenti i Izraelit është një njeri i dobët dhe joefektiv që po e përdor faljen si shantazh kundër Bibit. Ju nuk do ta kishit as Izraelin sot nëse ai nuk do të ishte kryeministër. Unë jam në anën e Bibit,” deklaroi Trump.
Netanyahu po përballet prej kohësh me procese gjyqësore për korrupsion, mashtrim dhe shpërdorim detyre, ndërsa çështja e mundësisë së një faljeje presidenciale ka shkaktuar debat të fortë politik në Izrael.
