Presidenti i SHBA-së, Donald Trump, deklaroi sot se shumë aleatë të Uashingtonit në Lindjen e Mesme janë të gatshëm të dërgojnë trupa në Rripin e Gazës për të “përplasur” dhe shkatërruar lëvizjen Hamas, duke përdorur “fuqi të fortë”.
Sipas postimit të tij në platformën Truth Social, Trump tha se disa vende aleate i kanë thënë atij se do ta përshëndisnin mundësinë për të shkuar në Gaza dhe “për të vrarë” Hamasin, por që për momentin nuk ka nevojë për një ndërhyrje të tillë.
“U kam thënë atyre dhe Izraelit: jo tani. Ka ende shpresë që Hamas të bëjë gjënë e duhur. Nëse nuk e bën, fundi i Hamasit do të jetë i shpejtë, i ashpër dhe i dhunshëm. Do të doja të falënderoja të gjitha këto vende që ofruan ndihmën e tyre,” shkruan Trump.
Kjo deklaratë vjen ndërsa situata ushtarake dhe humanitare në Gaza mbetet e tensionuar dhe me shqetësime ndërkombëtare mbi përhapjen e dhunës dhe efektet mbi civilët.
Ndërkohë, në një zhvillim tjetër, krahun i armatosur i Hamasit njoftoi se do t’u dorëzojë sot në orën 21:00 (ora lokale dhe ora e Greqisë) trupat e dy të kapurve, si pjesë e marrëveshjes për armëpushim me Izraelin.
