“Urtë urtë derrkuce”. Me këtë shprehje fyese, Donald Trump iu drejtua një gazetareje të Bloomberg teksa ajo po i bënte një pyetje mbi çështjen Jeffrey Epstein në bordin e Air Force One.
Raportimet e mediave amerikane tregojnë se ish-presidenti reagoi me këtë fyerje seksiste pasi gazetarja kërkoi sqarime mbi emrat e përmendur në dokumentet e reja gjyqësore të lidhura me Epstein. Trump nuk iu përgjigj pyetjes dhe ndërpreu komunikimin me grupin e gazetarëve.
Organizatat e mediave e kanë cilësuar incidentin si tjetër shembull të gjuhës denigruese ndaj gazetareve femra. Bloomberg nuk ka komentuar zyrtarisht, ndërsa Shtëpia e Bardhë nuk ka dhënë reagim.
