Një ortek në Tallone Grande, në Tirolin Jugor të Italisë, ka shkaktuar një tragjedi, duke i marrë jetën dy personave.
Pas aksidentit, autoritetet nisën menjëherë një operacion të madh shpëtimi, që përveç viktimave, u gjetën edhe pesë persona të tjerë, tre të plagosur rëndë dhe dy të tjerë me lëndime të lehta, njoftoi Qendra e Emergjencave e Bolzanos.
Orteku ndodhi rreth orës 11:40 të mëngjesit, në një lartësi prej 2,445 metrash, duke përfshirë gjithsej 25 alpinistë dhe skiatorë. Shumica e tyre fatmirësisht morën vetëm dëmtime të lehta nga dëbora.
Rreth 80 persona nga ekipet e shpëtimit morën pjesë në aksion, të mbështetur nga gjashtë helikopterë.
