Një ngjarje e rëndë raportohet të ketë ndodhur në Kaliforni ku të paktën 4 persona kanë vdekur e 14 të tjerë kanë mbetur të plagosur pas disa të shtënave me armë zjarri.
Sipas mediave ndërkombëtare, të shtënat ndodhën gjatë një organizimi ditëlindjeje në një restorant në Stockton. Në mesin e viktimave ka edhe fëmijë, ndërsa gjendja e të plagosurve ende nuk është bërë e ditur.
Në videot e shpërndara në rrjetet sociale, shihen mjekët teksa u japin ndihmë të plagosurve në vendngjarje.
Autoritetet kanë arritur të identifikojnë një person si të dyshuar për ngjarjen ndërsa mendohet se sulmi ka qenë i organizuar.
