Sekretari i Shtetit i SHBA-së, Marco Rubio, u takua me kryeministrin izraelit Benjamin Netanjahu në Jerusalem, ku ata u lutën bashkë në Murin e Lotëve, raporton The Times of Israel.
Netanjahu tha se vizita e Rubios tregon qëndrueshmërinë e marrëdhënieve SHBA-Izrael, duke i përshkruar ato “po aq të forta dhe të qëndrueshme sa gurët e Murit të Lotëve që sapo prekëm”.
“Nën presidentin [amerikan] Donald Trump dhe sekretarin Rubio, kjo aleancë nuk ka qenë kurrë më e fortë, dhe ne e vlerësojmë thellësisht këtë,” tha Netanjahu.
Rubio, i cili më herët kishte deklaruar se SHBA “nuk është e kënaqur” me sulmin e fundit të Izraelit në Doha, por se kjo “nuk do të ndryshojë natyrën” e marrëdhënieve SHBA-Izrael, nuk foli për mediat në Jerusalem, sipas gazetës.
