Shpërthime të forta janë raportuar mbrëmjen e sotme në zonën pranë Ambasadës së Shteteve të Bashkuara në Bagdad. Sipas raportimeve fillestare, pas shpërthimeve janë aktivizuar menjëherë sirenat e alarmit në zonën e sigurisë së lartë ku ndodhet ambasada. Autoritetet lokale dhe forcat e sigurisë kanë shtuar masat e sigurisë në zonë, ndërsa ende nuk ka një konfirmim zyrtar mbi shkakun e shpërthimeve apo nëse ka persona të lënduar.
Ngjarja vjen në një moment tensionesh në rajon, pasi më herët gjatë ditës u raportua edhe një sulm me dron në Emiratet e Bashkuara Arabe, i cili kishte në shënjestër fushën e naftës Shah.
Deri në këto momente, nuk ka një reagim zyrtar nga autoritetet amerikane apo nga qeveria irakiane lidhur me incidentin pranë ambasadës në Bagdad.
