Presidenti i Shteteve të Bashkuara, Donald Trump, ka reaguar lidhur me protestat që po zhvillohen në Iran, duke inkurajuar qytetarët të vazhdojnë të protestojnë kundër qeverisë.
Në një postim në platformën e tij të mediave sociale, Truth Social, Trump u bën thirrje protestuesve të marrin në dorë institucionet dhe të ruajnë ermrat e vrasësve që do paguajnë çmimin në fund.
“Patriotë iranianë, vazhdoni të protestoni – merrni në dorë institucionet tuaja!!! Ruani emrat e vrasësve dhe abuzuesve. Ata do të paguajnë një çmim të lartë.”
Ai shton gjithashtu se ka marrë masa diplomatike ndaj Teheranit.
“Kam anuluar të gjitha takimet me zyrtarët iranianë derisa të ndalet vrasja e pakuptimtë e protestuesve. Ndihma është rrugës”.
Reagimi i Trump është në vazhdën e mbështetjes së tij ndaj qytetarëve iranin, ku protesta masive kundër qeverisë po përballet me shtypje të ashpër, ndërsa komuniteti ndërkombëtar po ndjek me shqetësim zhvillimet në vend.
