Një ngjarje tragjike ka ndodhur ditën e sotme në Itali ku dy persona kanë humbur jetën në një aksident ajror që ndodhi mes komunave Crescentino e Livorno Ferraris.
Viktimat janë babë e bijë, të cilët humbën jetën pas rrëzimit të një avioni të vogël me të cilin ata po udhëtonin.
Avioni raportohet të ketë rënë me shpejtësi të lartë në tokë dhe më pas ka shpërthyer në flakë.
Në vendngjarje shkuan menjëherë zjarrfikësit dhe efektivët e policisë që po hetojnë për shkaqet e këtij aksidentit të rëndë.
