Presidenti rus Vladimir Putin, nga Pekini, deklaroi se Rusia nuk ka qenë kurrë kundër anëtarësimit të Ukrainës në BE, por se anëtarësimi në NATO është një çështje tjetër, që prek drejtpërdrejt sigurinë afatgjatë të Rusisë.
Ai shton se mund të arrihet një konsensus për garanci sigurie për Ukrainën, nëse përfundon konflikti. Ndërkohë, e cilëson "absurde dhe pa baza" çdo ide për plane agresive të Rusisë ndaj Evropës.
Në të njëjtën kohë, kryeministri sllovak Robert Fico deklaron se "po krijohet një rend i ri botëror" dhe kritikon BE-në për përjashtimin nga këto diskutime globale, duke shtuar: "Të jesh pjesë e dialogut do të thotë të mos sillesh si fëmijë i fyer."
Ndërsa Fico takohet me Putinin dhe Xi Jinpingun, të premten do të takojë edhe Zelenskyn. Komisioni Evropian, nga ana e vet, distancohet: "Fico nuk përfaqëson BE-në në këtë vizitë."
