Presidenti i Gjermanisë, Frank-Walter Steinmeier, ka kritikuar ashpër politikën e jashtme të Shteteve të Bashkuara nën drejtimin e Presidentit Donald Trump, duke paralajmëruar se rendi ndërkombëtar po kërcënohet nga sjellja e të paskrupulltëve.
Në fjalimet e tij, Steinmeier tha se demokracia globale është sulmuar si kurrë më parë dhe se sjellja e SHBA-së përbën një ndarje historike të rendit botëror, pas aneksimit të Krimesë dhe pushtimit të Ukrainës nga Rusia.
“Bëhet fjalë për të parandaluar që bota të kthehet në një strofull hajdutësh, ku të paskrupullt marrin çfarë të duan, ku rajone apo vende të tëra trajtohen si prona e disa fuqive të mëdha,” theksoi presidenti gjerman.
Edhe pse roli i Steinmeier është kryesisht ceremonial, komentet e tij janë me peshë, pasi ai ka më shumë liri për të shprehur opinionin e tij sesa politikanët.
Marrë nga Reuters
