Qeveria japoneze është rreshtuar me qëndrimin e Shteteve të Bashkuara aleatit kryesor të Tokios dhe ka konfirmuar se nuk do ta njohë Shtetin e Palestinës në mbledhjen e ardhshme të Këshillit të Sigurimit të OKB-së që do të mbahet në Nju Jork.
Vendimi u konfirmua nga ministri i Jashtëm, Takeshi Lwaya, i cili gjithashtu deklaroi se Japonia do të ndërmarrë masa nëse Izraeli vazhdon të pengojë përpjekjet për zgjidhjen me dy shtete.
Ndërkohë, listës së shteteve që do të shpallin njohjen e shtetit të Palestinës në asamblenë e OKB në Nju Jork u shtua Portugalia. Lajmi u konfirmua nga Ministria e Jashtme.
Deklarata zyrtare e njohjes do të bëhet më 21 shtator, pak para mbajtjes së Asamblesë së Përgjithshme të Kombeve të Bashkuara, thuhet në një deklaratë të publikuar në faqen zyrtare të ministrisë.
Me Portugalinë, bëhen dhjetë shtete që synojnë të njohin Palestinën gjatë javës kryesore të Asamblesë së Përgjithshme. Procesin e njohjes e kanë nisur gjithashtu: Andorra, Australia, Belgjika, Kanadaja, Luksemburgu, Malta, Mbretëria e Bashkuar dhe San Marino.
