Vendimi i marrë nga Britania e Madhe për njohjen e shtetit palestinez ka bërë që Izraeli të fillojë të kërkojë mbështetës dhe në Londrën zyrtarez Ministri i Jashtëm i Izraelit Gideon Sa'ar, ka bërë të ditur se ka zhvilluar një bisedë telefonike me kryetaren e Partisë Konservatore në Mbretërinë e Bashkuar, Kemi Badenoch.
Përmes një statusi në X, Ministri theksoi se vendimi i qeverisë britanike për të njohur një “shtet palestinez” përfaqëson një gabim diplomatik dhe një çështje me rëndësi të madhe morale. Sipas ministrit të Jashtëm izraelit, edhe Badenoch ritheksoi kundërshtimin e saj të fortë ndaj vendimit të qeverisë britanike, duke qëndruar në përputhje me deklaratat e saj publike të mëparshme. Ministri izraelit vlerësoi këtë qëndrim dhe shprehu mirënjohjen për mbështetjen e saj.
Ai theksoi gjithashtu se Izraeli është i vetëdijshëm se ka shumë miq në Mbretërinë e Bashkuar dhe se di të bëjë dallimin mes popullit anglez dhe qeverisë angleze.
