Pas arrestimit të Maduros, Donald Trump ka paralajmëruar edhe presidentin e Kolumbisë, Gustavo Petro, duke thënë se duhet të bëjë kujdes sepse po prodhon kokainë.
“Ai duhet të jetë i kujdesshëm”, tha Trump. Shefi i Shtëpisë së Bardhë konfirmoi gjithashtu se i qëndron besnik deklaratës së tij të mëparshme lidhur me prodhimin dhe trafikun e drogës në Kolumbi.
“Po, mendoj se i qëndroj besnik deklaratës sime të parë. Ai po prodhon kokainë. Po e dërgojnë në Shtetet e Bashkuara. Kështu që duhet të jetë vigjilent”.
Në konferencën për shtyp, presidenti amerikan foli edhe për të ardhmen e Venezuelës dhe mundësinë e përdorimit të forcave ushtarake në terren.
“Nuk kemi frikë nga ushtarët në tokë nëse është e nevojshme. Mbrëmë kishim çizme në tokë në një nivel shumë të lartë, në fakt. Nuk kemi frikë prej saj”, u shpreh ai.
Sa i përket menaxhimit të vendit, Trump deklaroi se “Njerëzit që qëndrojnë menjëherë pas meje, ne do ta drejtojmë atë”.
