Ishulli i Hormuzit, në jug të Iranit, ka ofruar ditët e fundit një pamje mbresëlënëse pas reshjeve të dendura që kanë përfshirë zonën. Bregu i detit është shndërruar në një panoramë të pazakontë, duke krijuar përshtypjen e një deti të ngjyrosur në të kuqe, fenomen që ka tërhequr vëmendjen e turistëve dhe fotografëve.
Ky efekt i rrallë natyror shkaktohet nga përqendrimet e larta të oksidit të hekurit në tokën dhe rërën e zonës së njohur si “Red Beach” (Plazhi i Kuq). Gjatë reshjeve, uji i shiut përthith pigmentin e kuq të tokës dhe, teksa rrjedh drejt detit, krijon pamjen karakteristike të një “deti të kuq”.
Pamjet spektakolare kanë bërë xhiron e rrjeteve sociale, duke e kthyer ishullin e Hormuzit në një destinacion gjithnjë e më të kërkuar për vizitorët që synojnë të fiksojnë me fotografi bukurinë e tij unike natyrore.
