Autoritetet italiane kanë goditur një organizatë të dyshuar për trafik ndërkombëtar droge, e cila dyshohet se drejtohej nga një shtetas shqiptar me banim në Holandë, raportojnë mediat lokale.
Sipas hetimeve paraprake, shqiptari koordinonte trafikun e kokainës drejt vendeve të ndryshme evropiane përmes platformave të mesazheve të enkriptuara. Në Itali, pjesëtarët e grupit merreshin me marrjen, depozitimin dhe shpërndarjen e drogës në zonat kryesore të aktivitetit të paligjshëm në kryeqytet, si Borghesiana, Pigneto, Spinaceto, Torre Spaccata, Alessandrino, Tor De Cenci, Finocchio, Capannelle dhe Tor Bella Monaca.
Për transportin e drogës përdreshin korrierë italianë dhe automjete të modifikuara. Hetimet kanë dokumentuar qarkullimin e mbi 210 kilogramëve kokainë, prej të cilëve 130 kilogramë janë sekuestruar, me një vlerë të përllogaritur rreth 1 milion euro.
Gjatë operacionit u arrestuan në flagrancë tre persona: një italian dhe dy shqiptarë.
