Asambleja e Përgjithshme e OKB-së ka miratuar sot me shumicë dërrmuese një deklaratë që mbështet zgjidhjen me dy shtete mes Izraelit dhe Palestinës, duke përjashtuar Hamasin nga procesi.
Rezoluta mori 142 vota pro, 10 kundër dhe 12 abstenime. Dokumenti parashikon hapa “të prekshëm, të kufizuar në kohë dhe të pakthyeshëm” drejt krijimit të dy shteteve.
Deklarata është produkt i një konference ndërkombëtare të mbajtur në korrik në selinë e OKB-së, e organizuar nga Arabia Saudite dhe Franca, për të adresuar konfliktin disa-dekadësh. SHBA dhe Izraeli bojkotuan konferencën.
