Kryeministri izraelit Benjamin Netanyahu ka urdhëruar ushtrinë të kryejë “sulme të fuqishme” në Gaza, pas akuzave të tij se Hamas ka shkelur marrëveshjen e armëpushimit.
Nga ana tjetër, Zyra e Medias e Qeverisë së Gazës ka akuzuar Izraelin për 125 shkelje të armëpushimit që nga 10 tetori, duke përfshirë vrasjen e 94 palestinezëve.
Ekspertja e OKB-së për territoret e pushtuara, Francesca Albanese, tha për Al Jazeera se armëpushimi i shpallur më 11 tetor “nuk e ka ndalur sulmin ndaj Gazës”, ndërsa Izraeli ka vazhduar të vrasë, urisë dhe zhvendosë popullsinë.
Sipas saj, që prej hyrjes në fuqi të armëpushimit të ndërmjetësuar nga SHBA, rreth 100 palestinezë janë vrarë dhe 350 janë plagosur.
Albanese e quajti “absurde” që komuniteti ndërkombëtar të duartrokasë një “plan paqeje” që, sipas saj, “nuk respekton as të drejtat e njeriut dhe as ligjin ndërkombëtar”.
