Benjamin Netanyahu në fjalën e tij në Parlamentin izraelit ka deklaruar se “armiqtë tanë tani e kuptojnë se sa i fuqishëm dhe sa i vendosur është Izraeli”.
“Ata e kuptojnë se sulmi ndaj Izraelit më 7 tetor ishte një gabim katastrofik. Ata e kuptojnë se Izraeli është i fortë dhe se Izraeli është këtu për të qëndruar”, tha ai.
Netanyahu shtoi gjithashtu se Izraeli ka paguar një çmim të lartë për luftën në Gaza, por e përshëndet kthimin e pengjeve sot si një “ditë të rëndësishme”.
Kryeministri izraelit Benjamin Netanyahu gjatë fjalës së tij në Parlament, ku i pranishëm është presidenti i SHBA-ve, Donald Trump, shprehu vlerësime për këtë të fundit.
Ai tha se Trump ishte ai që i tha botës; Mos harroni tetorin. Ai thotë se emri i Donald Trump do të gdhendet gjithashtu në historinë e Izraelit, “dhe në historinë e njerëzimit”.
Benjamin Netanyahu e përfundoi fjalimin e tij në Parlament, duke thënë se ka paraqitur nominimin e Donald Trump për t’u bërë fituesi i parë jo-izraelit i Çmimit të Izraelit – çmimi më i lartë i vendit.
Ai madje bëri shaka për Çmimin Nobel për Paqen pasi presidentit amerikan nuk iu dha çmimi javën e kaluar, por Netanyahu i thotë “do ta marrësh”.
