Një komision federal i arteve në SHBA ka miratuar dizajnin e një monedhe përkujtimore prej ari 24 karatësh me portretin e Donald Trump, e planifikuar për të shënuar 250-vjetorin e Shtetet e Bashkuara të Amerikës më 4 korrik 2026.
Monedha paraqet Trump në një pozë të fortë, të mbështetur mbi atë që duket si tavolina Resolute Desk. Në pjesën e sipërme të monedhës është vendosur fjala “LIBERTY”, ndërsa poshtë datat “1776–2026”, që simbolizojnë 250 vjet nga shpallja e pavarësisë së SHBA.
Dizajni u miratua nga U.S. Commission of Fine Arts, ndërsa prodhimi i saj pritet të realizohet nga United States Mint.
Megjithatë, iniciativa ka hapur debat për ligjshmërinë e saj. Ligji amerikan në përgjithësi nuk lejon që një president në detyrë të shfaqet në valutën amerikane. Për këtë arsye, një panel dypartiak më herët kishte refuzuar idenë që figura e Trump të vendosej në një monedhë.
Kritikët argumentojnë se vendosja e një presidenti në detyrë në monedhë bie ndesh me traditat demokratike, ndërsa mbështetësit e shohin si një simbol për përvjetorin e 250-të të shtetit amerikan.
