Mijëra njerëz marshuan sërish në rrugët e Minneapolis këtë fundjavë, duke protestuar pas vrasjes së Renee Nicole Good, një gruaje 37-vjeçare që u qëllua për vdekje nga një agjent i Agjencisë së Emigracionit dhe Doganave (ICE) gjatë një operacioni federativ në qytet. Ngjarja ka shkaktuar zemërim dhe protesta në të gjithë Shtetet e Bashkuara. 
Demonstruesit, pavarësisht temperaturave të ulëta, kërkojnë drejtësi për Good dhe kërkojnë tërheqjen e ICE-s nga komunitetet e tyre. Protesta në Minneapolis ishte një nga qindra tubimet që u mbajtën gjatë weekendit në qytete të tilla si New York, Seattle, Austin e Los Angeles. 
Autoritetet lokalë raportuan se protestat në përgjithësi ishin paqësore, por disa episode çuan në tensione, me rreth 29 të arrestuar dhe një polic i lënduar nga gurë dhe akull të hedhur nga turma. Kryebashkiaku i Minneapolisit i bëri thirrje protestuesve të qëndrojnë paqësorë, ndërsa autoritetet shtetërore e federale përplasen për rrethanat e incidentit. 
Vdekja e Renee Good ka ndezur një debat kombëtar mbi përdorimin e forcës nga agjentët federalë të imigracionit dhe ka intensifikuar thirrjet për llogaridhënie dhe reforma në zbatimin e ligjeve të emigracionit.
