Rushanara Ali, ministrja britanike për të pastrehët, ka dhënë dorëheqjen pas akuzave se dëboi katër qiramarrës nga prona e saj në Londër dhe më pas e rriti qiranë nga 3,300 në 4,000 paundë.
Në letrën e dorëheqjes drejtuar kryeministrit Keir Starmer, ajo shkruan: “Kam ndjekur të gjitha kërkesat ligjore në çdo kohë, por është e qartë se vazhdimi i rolit tim do të ishte një shpërqendrim nga puna ambicioze e qeverisë.”
Ali, e cila më parë kishte folur kundër rritjes së paarsyeshme të qirave, tha gjithashtu se ishte “krenare që kishte kontribuar në ndryshimin që kjo qeveri ka sjellë vitin e kaluar.”
