Kryeministri i Izraelit, Benjamin Netanyahu, deklaroi të dielën se qeveria e tij po punon së bashku me ekipin e Presidentit amerikan, Donald Trump, për t’i dhënë fund luftës në Gaza, megjithëse, sipas tij, detajet ende nuk janë finalizuar. “Nuk është finalizuar ende, por po punojmë me ekipin e Presidentit Trump, realisht, ndërkohë që flasim,” tha Netanyahu në një intervistë.
Netanyahu theksoi se plani që po diskutohet kërkon në thelb çmilitarizimin e Gazës dhe lirimin e të gjitha pengjeve izraelite që mbahen nga Hamas-i. “Shpresoj që ta bëjmë realitet, sepse duam të lirojmë pengjet tona, duam të heqim qeverisjen e Hamasit, të çarmatosim ata, të demilitarizojmë Gazën dhe të krijojmë një të ardhme të re për gazianët dhe izraelitët, dhe për të gjithë rajonin,” shtoi ai.
