Presidenti i Venezuelës, Nicolás Maduro, iu përgjigj ashpër vendimit të administratës së ish-Presidentit Donald Trump, e cila dyfishoi shpërblimin për arrestimin e tij, duke e çuar në 50 milionë dollarë.
Në një video që u bë shpejt virale, Maduro i drejtohet Trump-it me fjalë sfiduese:
“Ja ku jam. Frikacak, eja nëse guxon. Jam këtu në Miraflores, dil përballë meje frikacak.”
Shtetet e Bashkuara e akuzojnë presidentin venezuelian si një nga trafikantët më të mëdhenj të drogës në botë dhe si bashkëpunëtor të karteleve që furnizojnë tregun amerikan me kokainë të pasuruar me fentanyl.
Në një deklaratë zyrtare, qeveria amerikane theksoi se, “nën udhëheqjen e Presidentit Trump, Maduro nuk do t’i shpëtojë drejtësisë dhe do të mbahet përgjegjës për krimet e tij.”
Maduro është paditur që në vitin 2020 në Gjykatën Federale të Manhattanit, gjatë mandatit të parë të Trump, me akuza për narkoterrorizëm dhe komplot për trafik ndërkombëtar droge, së bashku me disa aleatë të tij të ngushtë.
Shpërblimi fillestar prej 15 milionë dollarësh për arrestimin e tij u rrit në 25 milionë gjatë administratës Biden – një shumë e barabartë me atë për kapjen e Osama bin Laden. Me vendimin e fundit të administratës Trump, shuma tashmë është 50 milionë dollarë.
Në të njëjtën kohë, Departamenti Amerikan i Drejtësisë ka konfiskuar mbi 700 milionë dollarë në asete që lidhen me Maduro-n, përfshirë dy avionë privatë dhe rreth 7 tonë kokainë.
