Pas bisedimeve me dyer të mbyllura dhe fotos familjare me liderët evropianë, presidenti amerikan Donald Trump ka dhënë një tjetër deklaratë të fortë.
Ai konfirmoi se ka mbledhur në një tryezë presidentin ukrainas Volodymyr Zelensky dhe liderët kryesorë të Europës për të diskutuar mbi paqen në Ukrainë.
Presidenti amerikan theksoi se në një hap të rëndësishëm, Putini ra dakord që Rusia do të pranonte garanci sigurie për Ukrainën.
Kjo është një nga pikat kyçe që udhëheqësit do të shqyrtojnë në takim. Ai thotë se ata do të shqyrtojnë kush do të bëjë çfarë, në thelb.
Trump thotë se është optimist se grupi mund të arrijë një marrëveshje që do të pengojë agresionin e ardhshëm kundër Ukrainës.
"Mendoj se kombet evropiane do të marrin përsipër një pjesë të madhe të barrës. Ne do t'i ndihmojmë ata," tha Trump.
“ Duhet folur për territoret. Është e trishtueshme, por duhet negociuar,” u shpreh Trump. Ai tha se ka caktuar një takim me presidentin rus Vladimir Putin, duke shtuar se: “Besoj se mund të shpëtojmë jetë. Po vriten 6 mijë njerëz në javë. Po punoj për një paqe afatgjatë – që deri tani nuk po ndodh.”
Trump tha se armëpushim nuk pati, por nuk është i sigurt nëse është i domosdoshëm në këtë fazë. Ai mbetet optimist për një zgjidhje të afërt diplomatike.
Foto: Reuters, AP
