Komisioni Europian ka vendosur një gjobë prej 120 milionë euro ndaj rrjetit social X, i cili është në pronësi të miliarderit Elon Musk, duke e akuzuar platformën për shkelje të rregullave të transparencës. Vendimi ka sjellë menjëherë reagimin e SHBA, që e kanë cilësuar masën si një goditje të padrejtë ndaj teknologjisë amerikane.
Sekretari i shtetit Marco Rubio e përshkroi vendimin si “sulm ndaj kompanive amerikane dhe popullit amerikan”, duke nënvizuar se, sipas tij kjo është pjesë e një presioni të koordinuar nga qeveri të huaja.
Situata u përshkallëzua më tej pasi SHBA publikoi në të njëjtën ditë një strategji të re, e cila në Bruksel shihet si përpjekje për të dobësuar pozicionin e Bashkimit Europian dhe për të rritur rolin e NATO-s në balancën e sigurisë.
