Catherine, Princess of Wales ka dërguar një buqetë me narcisa të verdhë në Royal Marsden Hospital në Londër, spitali onkologjik ku ajo mori trajtim gjatë betejës së saj me kancerin.
Së bashku me lulet, princesha ka dërguar edhe një mesazh të shkruar me dorë për pacientët dhe stafin mjekësor të spitalit.
Në kartolinën e firmosur “Catherine”, ajo shkruan:
“Me ardhjen e pranverës, këta narcisa janë për t’ju thënë se po mendoj për ju.”
Narcisat e verdhë, që janë simbol i Uellsit dhe i ringjalljes, janë sjellë nga Isles of Scilly dhe janë zgjedhur si një gjest solidariteti për të gjithë ata që po përballen me sëmundjen, si dhe për personelin e spitalit.
Princesha e Uellsit bëri publike diagnozën e saj me kancer në mars 2024, pas një operacioni në bark. Më pas ajo iu nënshtrua kimioterapisë, duke ndarë vetëm disa përditësime mbi trajtimin e saj.
Në janar 2025, Kate Middleton njoftoi se sëmundja kishte hyrë në remision.
Royal Marsden Hospital ka një rëndësi të veçantë në historinë e saj personale. Prince William dhe Kate Middleton janë gjithashtu patronë të përbashkët të institucionit, duke mbështetur kërkimin shkencor dhe kujdesin për pacientët me kancer.
Gesti i princeshës me lulet dhe mesazhin është parë si një shenjë mirënjohjeje dhe afërsie me pacientët dhe mjekët e spitalit ku ajo vetë u trajtua.
