Gjermania nuk do t'i bashkohet Aleatëve Perëndimorë për të njohur një shtet palestinez në Asamblenë e Përgjithshme të Kombeve të Bashkuara muajin e ardhshëm.
Kancelari gjerman Friedrich Merz e njoftoi këtë në një konferencë të përbashkët për shtyp me kryeministrin kanadez Mark Carney, i cili tha muajin e kaluar se Kanadaja planifikon të njohë shtetin e Palestinës në Asamblenë e Përgjithshme, pas njoftimeve të ngjashme nga Franca dhe Britania e Madhe, raporton Reuters.
“Pozicioni i qeverisë federale është i qartë, sa i përket njohjes së mundshme të shtetit të Palestinës. Kanadaja e di këtë. Ne nuk do t’i bashkohemi kësaj iniciative. Nuk shohim se kushtet janë përmbushur”, tha Merz.
Kanadaja njoftoi në fund të korrikut se planifikon të njohë shtetin palestinez në shtator.
Duke vepruar kështu, ajo iu bashkua Francës dhe Britanisë së Madhe nga G7, një grup i vendeve më të zhvilluara, të cilat kishin njoftuar më parë njohjen e Palestinës.
