Ish-drejtori i Qendrës Kombëtare Kundërterrorizmit në SHBA, Joe Kent, deklaroi se strategjia e Iranit për të ruajtur kapacitetet ushtarake është “pragmatike”, duke iu referuar precedentit të Libisë.
Në një intervistë me gazetarin Tucker Carlson, Kent tha se Teherani ka nxjerrë mësime nga ajo që ndodhi me udhëheqësin libian Muammar Gaddafi, i cili hoqi dorë nga programi i armëve bërthamore përpara se regjimi i tij të rrëzohej.
“Strategjia iraniane është në fakt mjaft pragmatike… sepse ata panë çfarë i ndodhi Gaddafit në Libi kur tha: ‘Do t’i dorëzoj armët e mia bërthamore’”, u shpreh Kent.
Ai shtoi gjithashtu se, megjithëse Israel ka një inteligjencë shumë të avancuar dhe një ushtri të aftë, nuk është në gjendje të rrëzojë qeveri apo të destabilizojë vende të tjera pa mbështetjen e Shteteve të Bashkuara.
Deklaratat e Kent vijnë në një moment tensionesh të larta në Lindjen e Mesme, ndërsa lufta mes Izraelit, SHBA-së dhe Iranit vazhdon të përshkallëzohet.
