Forcat Mbrojtëse të Izraelit, Forcat Mbrojtëse të Izraelit (IDF), kanë konfirmuar nisjen e sulmeve ajrore në kryeqytetin iranian, Teheran, dhe në kryeqytetin libanez, Bejrut.
Në një deklaratë zyrtare, IDF bëri të ditur se po kryen “sulme të synuara kundër objektivave ushtarake” në të dyja qytetet, duke shënuar një përshkallëzim të fortë të situatës në rajon.
Sulmet në Bejrut vijnë rreth një orë pasi IDF lëshoi një “paralajmërim urgjent” për banorët e periferive jugore të qytetit dhe në dhjetëra fshatra përreth, duke u bërë thirrje të evakuohen menjëherë.
Sipas ushtrisë izraelite, objektivat e sulmeve janë qendra komande dhe depo armësh që i përkasin Hezbollahu.
Zëdhënësi i IDF-së, Avichay Adraee, deklaroi se një “valë e gjerë sulmesh ajrore” është aktualisht në zhvillim.
Goditjet në Teheran dhe Bejrut sinjalizojnë një zgjerim të drejtpërdrejtë të operacioneve ushtarake, duke rritur ndjeshëm tensionet në Lindjen e Mesme dhe frikën për një përplasje më të gjerë rajonale
